Një grup banorësh të zonës së dibrës kundërshtuan sot projektin për ndërtimin e hidrocentralit të Skavicës.
Ata akuzuan qeverinë se nuk ka bërë transparencë pasi në terren, sipas tyre, ka nisur puna pa u mbyllur faza e studimit të fizibilitetit.
Nga ndërtimi i Skavicës do të përmbyten afro 16 mijë hektarë tokë, ndërsa preken 35 fshatra me rreth 15 mijë banorë.
Banorët paralajmëruan përshkallëzim të protestave, nëse autoritetet nuk tërhiqen nga ky projekt.