Protesta të dhunshme në Athinë

Protesta të dhunshme janë shënuar mbrëmjen e së enjtes në kryeqytetin grek Athinë. Policia është përplasur me një grup demonstruesish, që kanë hedhur kokteile molotovi dhe është kundërpërgjigjur, duke përdorur gaz lotsjellës.

Përplasjet ndodhën pranë Universitetit Teknik gjatë një proteste të një sindikate të policisë me një grup anarkistësh, që bënë thirrje për kundër demonstratë ndaj dhunës policore.

Dy policë u lënduan, ndërsa nga protestuesit nuk ka te plagosur. Protestuesit u vunë zjarrin edhe disa automjeteve dhe mbeturinave që prej ditësh kishin pushtuar rrugët e kryeqytetit, si pasojë e një greve të punonjësve të pastrimit.