Lirohet pas 6 orësh rruga Elbasan-Librazhd, e cila qëndroi e bllokuar nga protestuesit e shkollës së fshatit Mengel në Elbasan.
Këtë të martë protesta e prindërve dhe e nxënësve të këtij fshati ka përshkallëzuar deri në bllokimin e rrugës, pasi ato janë kundër mbylljes së shkollës.
Vendimi për mbylljen e kësaj shkolle bën që nxënësit e këtij fshati të udhëtojnë çdo ditë për në qytetin e Elbasanit për të ndjekur mësimin për shkak se shkolla e tyre është mbyllur vitin e kaluar pasi u dëmtua pas lëkundjeve të tërmetit dhe është cilësuar e rrezikshme.
Janë 271 nxënës qe prej 17 shtatorit nuk ulen në bankën e shkollës, por protestojnë bashkë me prindërit për hapjen e shkollës së fshatit.
