Kryeministrit Edi Rama u shpreh se kryedemokrati Lulzim Basha bëri gabim që fortifikoi selinë blu ditën e protestës së 8 janarit. Sipas tij, ai duhet të kërkonte në kohë ndërhyrjen e policisë, në mënyrë që situata të mos agravonte.
“Faktikisht Basha bëri atë që nuk mund ta bëjë kurrë, kush ka sensin e përgjegjësisë ndaj njerëzve dhe institucionit që përfaqëson vete duke bërë fortifikime në vend që të fliste për nevojë që ai institucion të mbrohej nga policia e shtetit. Reagimet për policinë janë të ngjashme si dy pika uji të dy kufomave politike, është e njëjta ,mbetje e ndarë përgjysmë”, tha Rama.
Pyetjes së gazetarëve nëse mazhoranca sheh mundësi për të bashkëpunuar me opozitën në këto kushte, Rama u përgjigj duke theksuar se kjo mbetet për t’u parë pasi “nuk dihet më se kush është kush.”
