Kryeministri Edi Rama, ka përshëndetur protestat në Hagë, ku shqiptarë nga Amerika dhe Evropa janë mbledhur për të protestuar në mbështetje të ish-krerëve të UÇK-së, të cilët po gjykohen në Dhomat e Specializuara.
“Liria ka emër. Me zemër e mendje jam edhe unë atje sot Komandant. Liri për çlirimtarët”, shkruan kryeministri në postimin e tij.
Lexo edhe :
Protesta do të nisë në orën 14:00, dhe nuk do të mbahet para ndërtesës së Gjykatës Speciale për arsye sigurie.
Pjesëmarrësit, përfshirë ish-luftëtarë dhe qytetarë nga e gjithë bota, kanë përgatitur pankarta në anglisht për të kërkuar drejtësi.
Kjo protestë vjen vetëm një ditë para se të nisë dëgjimi i dëshmitarit të parë të mbrojtjes së ish-krerëve të UÇK-së.
James Rubin, ish-ndihmës sekretar amerikan i Shtetit, do të jetë dëshmitari i parë në mbrojtje të Hashim Thaçit.
Procesi gjyqësor, i nisur në prill 2023, është në fazën përfundimtare, ndërsa mbrojtja pritet të dorëzojë shkresat finale deri më 22 dhjetor./vizionplus.tv
