Protesta kundër Trump në SHBA

Donald Trump fitoi garën per Shtëpinë e Bardhe, por amerikanet e zhgënjyer dolën neper rruge per te protestuar kundër zgjedhjes se tij president. Ne mbi 25 qytete përfshire edhe New Yorkun, mijëra njerëz me pankarta ne duar thërriten: Ai nuk është presidenti im! Portretit te tij iu vu flaka, po ashtu edhe flamujve amerikane. Mijëra vete marshuan drejt Shtëpisë se Bardhe, ne kullën Trump ne New York dhe prane shtëpisë se tij, duke e kritikuar ate per politikat per emigracionin, qëndrimin ndaj muslimaneve dhe per te drejtat e homoseksualeve. Demonstratat ishin përgjithësisht te qeta, por ne Okland, apo Kaliforni demonstruesit thyen xhama te dyqaneve dhe sulmuan edhe policinë, qe përdori gaz lotsjellës. Edhe ne Çikago ata bllokuan hyrjen ne kullën Trump duke thirrur: Jo Trumpit, jo fashisteve. Ne disa qytete u bllokuan rruget dhe u paralizua trafiku. Protestat u shtrine ne Philadelphia, Boston, Seattle dhe San Francisco. Dhjetëra njerëz u arrestuan. Protestat ishin nje tregues i përçarjes qe mbizotëroi edhe gjate fushatës, ndersa ne fjalimet e tyre, si Trump, Clinton dhe Obama bene thirrje per bashkim. Ndërkaq, Trump pritet te takohet kete te enjte ne Shtëpinë e Bardhe me presidentin ne detyre Obama, me te cilin do te diskutoje per transferimin e pushtetit. Ende nuk është e qarte se kush do te beje pjese ne kabinetin e tij, apo ne postet kyce te administratës, megjithatë mediat thonë se detyra te rëndësishme pritet te marrin guvernatori i New Jersey, Chris Christie, ish kreu i dhomës se përfaqësuesve Newt Gingrich dhe ish-kryebashkiaku i New York-ut, Rudy Giuliani, qe luajtën rol te rendesishem ne fushatën e tij.