Protesta kundër Trump në SHBA, mijëra njerëz në rrugë për emigrantët dhe pushimet nga puna
Mijëra qytetarë dolën në rrugë në Shtetet e Bashkuara për të protestuar kundër veprimeve të fundit të administratës së Presidentit Donald Trump.
Të fokusuar kryesisht në çështje si deportimet, pushimet masive nga puna në administratën federale dhe qëndrimet në lidhje me luftërat në Gaza dhe Ukrainë, protestuesit me pankarta në duar lëshuan thirrje të forta për drejtësi.
Këto protesta mbarëkombëtare janë të dytat që kur Trump mori detyrën. Që nga inaugurimi i tij si president në janar, Trump dhe aleati i tij miliarder, Elon Musk, kanë shkurtuar shpenzimet federale, duke pushuar nga puna mbi 200,000 njerez.
Administrata Trump ka kërcënuar gjithashtu do të ndalojë fondet federale për universitetet, ka shkurtuar fondet për programet shëndetësore të qeverisë dhe ka zvogëluar mbrojtjen për transgjinorët./vizionplus.tv
