Protesta kundër Arabisë Saudite

Arabia Saudite do të përballet me një hakmarrje hyjnore për ekzekutimin e 47 personave mes të cilëve dhe kleriku shiit, Nimer Al Nimer. Kështu është shprehur lideri suprem i Iranit Ajatollah Ali Khamenei, i cili e përshkroi sheik Nimer si një martir që u vra, pasi bëri një opozitë të fortë, por paqësore ndaj sundimtarëve suni në Arabinë Saudite. Deklarata e tij pasoi demonstratat që shpërthyen në ambasadën e këtij shteti në Teheran ku tubuesit qëlluan me gurë në drejtim të selisë diplomatike. Protestat janë shtrire në Bahrein, në lindje të Arabisë dhe madje edhe në Londër. Një reagim të ashpër për këto ekzekutime ka mbajtur dhe sekretari i përgjithshëm i OKB-së Ban ki Moon, i cili është shprehur thellësisht i tronditur. Edhe Departamenti Amerikan i Shtetit shprehur shqetësimin e tij për eliminimet, ndërsa theksoi se vdekja e klerikut, mund te nxisë përplasjen mes shiitve dhe sunive.