Banorët e Astirit vijojnë mbrëmjen e kësaj të marte me protestën e tyre, të vendosur për kundërshtimin e projektit të Unazës së Madhe, nga i cili rrezikojnë shembjen shtëpitë e tyre.
Në mbështetje të tyre, bëhet me dije se është nisur kryetari i Partisë Demokratike, Lulzim Basha, ndërsa që në orët e parfa të protestës së tyre, kanë qenë ish-deputetët e LSI dhe PD-së, Endrit Braimllari dhe Klevis Balliu
Nga protesta, ish-deputeti i LSI-së Braimllari tha se kryeministri Edi Rama së bashku me policinë ‘partiake’ të drejtuar nga ministri i Brendshëm, Sandër Lleshaj po kërkojnë të shtypin banorët e Unazës së Re, por që nuk do ia dalin.
“Policia politike e Edi Ramës dhe Sandër Lleshaj kërkon të shtypi natën banorët e Unazës së Re. Policia të bëjë kujdes, të mos bëhet vegël politike e Edi Ramës. Edi Rama në grahmat e fundit të pushtetit të tij kriminal. Edi Rama po përplas shqiptarët me njëri-tjetrin. Policia të distancohet nga urdhërat politik. Edi Rama nuk mund të fshihet pas gazit helmues. Nuk ka gaz që do shpëtoj Edi Ramën.”
