Protesta e taksisteve kundër konkurrencës se pandershme ndez kryeqytetin francez, Parisin. Me shume se 1200 protestues u përplasen me forcat e policisë, te cilat ndërhynë per t’i shpërndare pasi kishin bllokuar qarkullimin ne disa rruge. Gomave te automjeteve iu vu zjarri. Policia përdori edhe gazin lotsjellës ne momentin qe një grup protestuesish do te bllokonin nje kryqëzim te rendesishem. Dy persona u lënduan kur nje autobus tentoi te zhbllokonte rrugën ne nje aeroportin Orly, ndersa 22 te tjerë përfunduan ne pranga. Konkurrencën nga shërbime te tjera jotradicionale dhe qe nuk funksionojnë si taksi, ata e konsiderojnë terrorizëm ekonomik dhe kërkojnë kompensim nga qeveria, si dhe përmirësim te kushteve te punës. Protesta shkaktoi kaos jo vetëm ne transportin rrugor, por edhe ate ajror. Dhjetëra fluturime u anuluan ne dy aeroporte te Parisit dhe ne disa qytete te tjera te Francës, si pasoje e bllokimit te rrugëve. Përveç taksisteve, ketë te marte ne greve u përfshinë edhe kontrolloret e trafikut ajror, mësuesit dhe nëpunësit civile, qe kundërshtojnë pagat e uleta, si dhe shkurtimet ne vendet e punes. Te hënën ne proteste kishin dale edhe fermerët, qe kërkonin rritjen e çmimeve te produkteve te bulmetit, me argumentin se te ardhurat nga shitja e tyre nuk mbulojnë kostot e prodhimit.
