Protesta e studentëve, lirohet rruga te “Zogu i Zi”/FOTO

Studentët pas dy orësh kanë liruar rrugën tek rrethrrotullimi i Zogut të Zi.

Dhjetëra student kishin bllokuar pasditen e kësaj të hëne qarkullimin e automjeteve tek rrethrrotullimi i Zogut të Zi, duke shkaktuar radhë të gjata në shumicën prej akseve lidhëse në zonë.

Protesta e studentëve është mbështetur eshe nga shumë qytetarë.

Prej 14 ditësh studentët vijojnë me protestën e tyre, për plotësimin e 8 kërkesave nga ana e qeverisë. Studentët refuzojnë të hyjnë në bisedime me kryeministrin Rama.

Ndërkohë nga ana tjetër shefi i qeverisë herë pas herë i fton studentët për dialog.