Mediat ndërkombëtare i kanë dhënë një hapësirë transmetimi protestës së opozitës së bashkuar.
Protesta është transmetuar live nga Euronews, ndërsa shkruan se këto janë protestat e opozitës kundër qeverisë.
“Opozita shqiptare po bën thirrje për dorëheqjen e Ramës, organizimin e zgjedhjeve të përgjithshme dhe të një qeverie tranzitore”.
Zëri i Amerikës ka pasur si kryeartikull incidentet e protestës së opozitës.
“Tension para godinës së qeverisë. Opozita kërkon krijimin e një qeverie kalimtare e cila të përgatisë vendin për zgjedhje të parakohshme, gjë e cila sipas kryetarit demokrat Lulzim Basha “është një kusht i patjetërsueshëm”.
Ndërkohë që DW shkruan se nën thirrjet, “E duam Shqipërinë si gjithë Europa“ dhe “Rama ik“, protestuesit kërkojnë largimin e kryeministrit Rama.
