Protesta e emigrantëve në Greqi

Qindra refugjatë kanë formuar një zinxhir njerëzor në rrugën që lidh qytetin kufitar grek Paleokastër me pjesën maqedonase. Ata kanë ngritur çadra, duke e bërë thuajse të pamundur kalimin e automjeteve. Emigrantët tubues bëjnë thirrje për të rihapur kufirin dhe të lejojnë kalimin e tyre për në Maqedoni me destinacion final vendet e Evropës Qëndrore dhe Perëndimore. “Edhe nëse vendi juaj do të përfshihej nga lufta ju do të largoheshit, s’keni zgjidhje tjetër. Kjo eshte ajo qe ne duam te na lini te kalojmë, shprehet një prej tubuesve”. Por ndërsa refugjatet në këtë zonë protestojnë ashtu sikundër kanë bërë më herët emigrantët e vendosur në Idomeni, rreth 750 prej tyre, kërkesat e të cilëve janë refuzuar po kthehen pas për në Turqi. Kthimi i tyre, qe parashikohet edhe ne paktin mes BE-se dhe Turqise pritet të përfundojë deri në 7 prill. Me herët, Kombet e Bashkuara kritikuan marrëveshjen ne fjale, duke thëne se ky kthim bie në kundërshtim me të drejtat e njeriut.