Kryeministri grek Aleksis Cipras ka zhvilluar këtë të shtunë një takim me presidentin grek Prokopis Pavlopulos për ta informuar rreth takimit të fundit me kryeministrin maqedonas Zoran Zaev. Por liderët e opozitës greke gjatë një bisede telefonike me Cipras, e kanë kundërshtuar propozimin “republika e Maqedonisë së Ilindenit”, pasi sipas tyre emri historik synon krijimin e shtetit maqedonas duke përfshirë Selanikun. Edhe kryeministri maqedonas zhvilloi një takim me përfaqësuesit e partive, ne prani te presidentit Ivanov. Kreu i opozitës maqedonase Hristijan Mickoski, tha se propozimi i ri nënkupton ndryshim kushtetues, duke theksuar se partia e tij nuk do ta përkrahe atë.
