Pronari i një dyqani në Has ka qëlluar me çifte ndaj 4 adoleshentëve, të cilët tentuan që të grabisnin biznesin e Sadri Shatrit. Nga hapja e zjarrit, Vizion Plus mëson se dy prej tyre mbetën të plagosur.
Ngjarja ka ndodhur rreth orës 3:00 të mëngjesit të së hënës.
Policia arrestoi pasditen e djeshme 4 autorët e vjedhjes: R. M., L. M., O. V. dhe E. V., të moshës 15 vjeç.
Nga veprimet hetimore ka rezultuar se këta shtetas janë autorë edhe të një vjedhjeje tjetër të ndodhura më 30 janar të këtij viti në fshatin Helshan.
Po ashtu, në prang ra edhe pronari i biznesit për “plagosje e rëndë me dashje”.
