Prishtina dhe gjashtë komuna të tjera në Kosovë kanë shtrënguar edhe më shumë masat këtë fundjavë për të parandaluar përhapjen e mëtejshme të Covid-19.
Por shoqata e gastronomëve kane protestuar sërish pasi pronarët e bizneseve shprehen se po shkojnë drejt falimentimit.
Shtimi i infeksioneve në radhët e personelit shëndetësor është një tjetër problematikë që po thellohet në Kosovë. Drejtori i Shëndetësisë në Komunën e Prishtinës, Bujar Gashi, deklaroi se mund të ketë vështirësi në ofrimin e shërbimeve të tjera mjekësore.
BUJAR GASHI DREJTOR I SHENDETESISE, PRISHTINE
“Tani kemi arritur në shifrat rreth 40 punëtorë shëndetësorë që janë me COVID-19, derisa para dy jave nuk kishim asnjë punëtor shëndetësor dhe nëse vazhdojmë me këtë trend normalisht se do të kemi probleme me menaxhimin edhe rasteve me COVID por edhe shërbimeve të tjera të cilët qytetarët e komunës së Prishtinës kërkojnë nga institucionet e kujdesit parësor. Ashpërsimi i masave është joefektiv por na duhet t’i zbatojmë.”