Prokuroria e Tiranës ka nisur hetimet për përhapjen e lajmeve të rreme se në Shqipëri janë prekur disa persona nga koronavirusi. Përmes një njoftimi për mediat, organi i akuzës ftoi qytetarët që kanë informacione rreth situatës në fjalë që t’i tregojnë ato.
“Prokuroria Pranë Gjykatës së Shkallës së Parë, Tiranë, duke marrë shkas nga të dhënat e ndryshme të bëra publike në media si dhe përhapja e mesazheve nëpërmjet telefonit, në lidhje me informacione të dyshuara si të rreme mbi përhapjen e mundshme të Coronavirusit, në vendin tonë, filloi kryesisht hetimin për veprën penale të “Përhapja e informatave të rreme që ngjallin panik. Vijojmë të ndjekim me interes të shtuar, çdo të dhënë në raport me rastin konkret, duke kërkuar mirëkuptimin dhe besimin e qytetarëve. Nga ana tjetër, mirëpresim çdo qytetar për informacionet që mundet të disponojnë.”
Lajmi për të infektuar në Shqipëri u përhap nga një studente të dielën. Sipas saj, janë 12 njerëz të prekur nga virusi kinez, por autoritetet nuk tregojnë.
Këtë mesazh ajo e kishte nisur në “WhatsApp”, ndërsa pak minuta më vonë bëri edhe një përgënjeshtrim duke u kërkuar njerëzve që ta fshijnë mesazhin e parë.
Pas kësaj, reaguan edhe ministrja Ogerta Manastirliu dhe kryeministri Edi Rama. Ata mohuan të ketë raste të prekurish në Shqipëri.
Te perhapesh nje lajm te ti till esht skandal, kjo zonja duhet te denohet qe loz me jet njerzesh