Prokuroria e Tiranës ka nisur hetimet pas protestës të zhvilluar këtë të enjte para Parlamentit ku banorët e Unazës së Re u përplasën me efektivët e policisë.
Mësohet se një grup pune nga Policia e Tiranës ka mbërritur në Spitalin e Traumës për të hetuar në lidhje me efektivët e plagosur.
Kurse një grup tjetër ka nisur veprimet në para Parlamentit, ku u zhvillua protesta.
Nga përplasja mes banorëve dhe policisë u plagosën 12 efektivë dhe disa qytetarë.
Në përpjekje për të hyrë në Kuvend, banorët hodhën në drejtim të policisë kapsolle dhe tymuese.