Prokuroria mbyll hetimet për Dashamir Xhikën dhe Andi Toma
Prokuroria e Elbasanit i dërgon dosjen Gjykatës për abuzimet e zyrtareve te larte te autoritetit te rrugëve.
Organi i akuzës ka mbyllur hetimet për ish-krerët e ARRSH-së Dashamir Xhika e Andi Toma, si dhe për 6 zyrtare te tjerë dhe tre shoqëri tregtare. Ndaj tyre rendon akuza e shpërdorimit te detyrës për ndërtimin e rrugës se Gjinarit ne Elbasan.
Xhika e Toma që po hetohen në masën e sigurisë ‘arrest me burg’, por edhe dhe të pandehurit e tjerë akuzohen për dëm ndaj shtetit në vlerën e 5 milionë eurove. Edhe pse rruga me letra është e përfunduar, në realitet është e kundërta.
Dashamir Xhika dhe Andi Toma janë në hetim edhe për një tjetër procedim, atë të rrugës Tiranë-Elbasan, dosje për të cilën janë marrë në pyetje edhe ish-ministrat Edmond Haxhinasto dhe Sokol Dervishaj.
