Prokuroria për Krime të Rënda kërkoi këtë të mërkurë dënimin me 15 vjet burgim për kolumbianin Cesar Augusto Triana, i akuzuar për veprën penale të “trafikimit të lëndëve narkotike”, kryer në bashkëpunim. Triana u arrestuar me më 1 qershor 2015, pasi dyshohej se kishte lidhje me një ngarkesë prej rreth 246 kilogramë lëndë narkotike të llojit kokainë në portin e Barit. Në bazë të hetimit, u arrit të provohej se Cezar Triana kishte ardhur në Shqipëri për të marrë 600 mijë deri në 1 milion euro për llogari të dy shtetasve kolumbianë, të cilët po kryenin trafikimin e afro 250 kg kokainë nga Amerika Latine në drejtim të Shqipërisë.

Leave a Reply

Your email address will not be published. Required fields are marked *