Prokuroria: Burg për Xhikën

Prokuroria e Krimeve të Renda ka kërkuar masën e arrestit me burg për ish-kreun e autoritetit të rrugëve Dashamir Xhika, si dhe ish-drejtoret e njësisë së menaxhimit të rrugës Tiranë-Elbasan, Aksel Qorduka e Albens Alite. Njohja me masën e sigurimit për ish-zyrtaret pritet të behet mëngjesin e së mërkurës ndërkohë qe dy dosjet e abuzimit me tenderat për Elbasan-Gjinar e autostradën Tirane-Elbasan do t’i kalojnë për kompetence Prokurorisë së Krimeve të Renda. Ne fazën e verifikimeve është dhe ish-ministri i transporteve Edmond Haxhinasto, por dhe ish zyrtare të tjerë të larte të këtij dikasteri. Organi i akuzës po shqyrton veprimet e ish ministrit të LSI-se për procedurat tenderuese.