Kryeministri Edi Rama ka premtuar rruge te re për Lurën si pikënisja per zhvillimin e kësaj zone. Gjate nje takimi me banorët, shefi i ekzekutivit ka pranuar se me infrastrukturën ekzistuese nuk mund te garantohet asgjë nga pikëpamja ekonomike e per ketë arsye, pavarësisht kostos, qeveria do te investoje për një rruge te re.
Kryeministri i ka meshuar agroturizmit si rruga e sigurt qe familjet e kësaj zone te krijojnë kushte me te mira jetese, duke premtuar se përveç ndërtimit te rrugës, shteti do te financoje restaurimin e kullave me te famshme te Lurës.
Rama është i dyti kryeministër qe shkon ne Lure pas Mehmet Shehut e kjo është shoqëruar edhe me batuta.
Përveç rrugës drejt Lurës, ne qarkun e Dibrës investimi tjetër i madh ne infrastrukture është Rruga e Arbrit, punimet për ndërtimin e pjesës më të vështire të saj, do te nisin të dielën.
