Trafiku që krijoi këtë vit rruga që lidh Vlorën me pjesën tjetër të bregdetit të jugut është menduar të zgjidhet përmes bërjes së një unaze të re për këtë qytet. Ngushtimi në vetëm një korsi me dy kahë lëvizjeje i Lungomares, solli jo pak shqetësime këto muaj për pushuesit dhe bizneset që punojnë në këtë zonë. Vizion Plus ka arritur të sigurojë projektin e Unazës, i cili parashikon ndërtimin e një rruge të re paralele me Lungomaren, që pritet të përfundojë në mars të vitit që vjen. Rruga do të fillojë nga Gjykata e Vlorës, duke vazhduar në akademinë e marinës dhe pasi kalon 7 pallatet e bregut përfundon në “Skelë”. ky projekt parashikon ndërtimin e dy korsive në të njëjtin kah, por njëra nga korsitë do të jetë e destinuar për parkimin e makinave. Përveç kësaj, qeveria është angazhuar që në vitin 2018-të të ketë përfunduar ndërtimin e by-pass-it të Vlorës, e cila do të lidhë tërësisht aksin e daljes nga Fieri me një rrugë të re nacionale që do të ketë destinacion direkt Radhimën, duke shmangur trafikun e qytetit të Vlorës.

Leave a Reply

Your email address will not be published. Required fields are marked *