Kryetari demokrat Lulzim Basha, në vijim të turit për prezantimin e programit ekonomik, është takuar me banorë të Konispolit, Ksamilit dhe Delvinës. Bujqësia ka deklaruar Basha do të jetë motori i zhvillimit të vendit. Rritja ekonomike sipas kreut demokrat do të nisë edhe përmes uljes së taksave, duke gjeneruar qindra miliona euro, të cilat më pas do investohen. Në takimet me qytetarët, kreu i PD-së bëri thirrje që të gjithë të bashkohen me forcën politike që drejton, duke përfshirë edhe ata që në 25 vite pluralizëm nuk e kanë votuar atë.
