Një profesor amerikan historie i cili para zgjedhjeve parashikoi fitoren e Tramp, tani parashikon të kundërtën, rënien e tij. Profesori në fjalë ka studiuar për vite më radhë zgjedhjet në SHBA nga viti 1960 – 1980 dhe në bazë të dhënave të mbledhura ka krijuar një formulë që parashikon rezultatin e zgjedhjeve. Deri më sot rezultatet e kësaj formule kanë rezultuar të sakta.
Profesori në fjalë, emri I të cilit është Allan Lichtman, sot ka bërë një parashikim jo edhe aq shpresëdhënës për zotin Tramp. Ai deklaron se Presidenti Trump do të shkarkohet nga detyra dhe do të jetë vetë ai që do ta çojë veten deri në këtë pikë. “Jam shumë i sigurtë se Trump do të shkaktojë vetë arsyet që mund të çojnë në nisjen e procedurave të shkarkimit të tij. Ndoshta mund të vendosë në rrezik sigurinë kombëtare, ose mund të favorizojë veten ekonomikisht. Republikanët nuk e duan Trump-in si President, sepse ata nuk mund ta kontrollojnë atë. Ai është i paparashikueshëm” shprehet profesori. Ai thotë se drejtuesit e partisë preferojnë Mike Pence, aktualisht zv/President, si një njeri “paqësor” dhe i “kontrollueshëm”.
