Arben Shkodra, nga Shoqata e Prodhuesve, e cilësoi paketën sociale të rezistencës që u prezantua pak ditë më parë nga kryeministri Edi Rama, të mangët dhe pa vizion.
I ftuar këtë të hënë në “Quo Vadis”, ai u shpreh se në këtë kohë, sytë duhet të kthehen më shumë drejt personave me aftësi të kufizuara, pensionistëve dhe fëmijëve.
“Të vonë, të mangët dhe pa asnjë lloj vizioni për të mbështetur sipërmarrjen, sidomos prodhuese, që të paktën të ruajë dy veti: konkurruese dhe të ruajë vendet e punës. Të gjitha grupet janë vulnerabël në këtë moment. Sensibilizimi shkon drejt të pamundurëve, pensionistëve, patjetër edhe fëmijëve. Zakonisht i harrojmë nganjëherë këta të fundit, por janë një grup që po e përjeton totalisht më ndryshe sesa ne.”
