Prokuroria mori ne pyetje sot Verdi Moravën, nje prej 9 te akuzuarve per rekrutim te xhihadisteve ne luftën e Sirisë. Ne seancën e radhës te procesit gjyqësor, Morava dha shpjegime për njohjen me imamin Bujar Hysa. Ai pranoi se kishte dërguar ne Rinas nje te moshuar me probleme shëndetësore, por mohoi akuzat për lidhje me terrorizmin. Avokati i tij tha se njohjet me imamët, si dhe shoqërimi i nje personi ne Rinas nuk përbejnë krime. Ndërkohe, i pandehuri tjetër Fadil Myslimani akuzoi serish Gjykatën, se nuk i jepte te drejtën e fjalës dhe se e mbante padrejtësisht ne qeli. Seanca e radhës do te zhvillohet te martën e ardhshme me pyetjen e te akuzuarve te tjerë.
