Kryeministri Edi Rama ishte i pranishëm sot në prezantimin e programit për konkursin ndërkombëtar për Qendrën e Re të Drejtësisë.
Shefi i qeverisë e cilësoi Kampusin e Drejtësisë si një investim strategjik, që synon modernizimin e sistemit dhe përmirësimin e aksesit të qytetarëve në drejtësi.
Rama theksoi se qeveria do të vijojë të mbështesë sistemin e drejtësisë, në mënyrë që ai të funksionojë sipas standardeve më të larta, duke garantuar kushte dinjitoze për gjyqtarët, prokurorët dhe administratën, si dhe hapësira të përshtatshme për zhvillimin e proceseve gjyqësore.
Rama: Një arkitet i famshëm thotë ‘ne formojmë ndërtesat, ndërtesat na formojnë ne’. Po të kesh parasysh në çfarë ndërtesash jemi formuar ne, e kupton pse jemi pak si ndërtim gjysmë me leje, gjysmë pa leje në mënyrën se si mendojmë dhe si funskionojmë. Është shumë e rëndësishme që të bëjmë diçka që t’i rezistojë kohërave. Për fat të keq trashëgimia në këtë drejtim është problematike për të gjithë, jo vetëm për sistemin e drejtësisë. Kemi disa projekte që janë drejt finalizimit të kontratave për të përfituar në disa vite zyra dhe sipërfaqe për të ushtruar funksionet administrative të pushtetit ekzektuiv.
Në rastin e Qendrës së Re të Drejtësisë mendojmë që është pak më ndryshe dhe nuk mund ta fusim në këtë proces por duhet ta financojmë nga buxheti i shtetit. Është financimi më i madh që është bërë ndonjëherë per infrastrukturën administrative në Republikën e Shqipërisë por besojmë se është i duhuri. Sot janë krijuar mundësitë dhe janë përmbushur edhe një sërë arsyesh për ta bërë këtë sepse jemi në një proces kur pas një reformë shumë rrënjësore në drejtësi, duhet të vazhdojmë secili dhe secila palë të bëjnë detyrat e veta. Detyra jonë është që të vazhdojmë ta mbështesim sistemin dhe të bëjmë gjithçka që sistemi të funksionojë me kushtet dhe standardet më të larta, gjë që nuk mund ta themi sot po të kemi parasysh ku punojnë gjyqtarë, prokurorët, në çfarë kthinah dhe zgëqesh zhvillohen proceset./vizionplus.tv
