Kuvendi i hapi rrugën sot SPAK-ut dhe GJKKO-së për të vepruar ndaj ish-kryeministrit Sali Berisha përmes një votimi që mori 75 vota pro në mes të një kaosi brenda dhe jashtë godinës.
Menjëherë pas votimit dhe “zhveshjes” nga imuniteti, Berisha doli jashtë te mbështetësit e tij duke e cilësuar procedurën të paligjshme, ndërkohë që drejtësinë e re e la “në prehrin” e Ramës. Vizionplus.tv mëson se dy votat e tjera që iu bashkuan PS-së për heqjen e imunitetit të Berishës ishin ato të socialdemokratëve, Gertjan Deda dhe Gledis Çeliku.
Lexo edhe :
Related Posts
Përballë një mase sigurie “arrest shtëpie” apo “arrest me burg”, Berisha shpalli një mobilizim kombëtar të demokratëve.
Por, çfarë ndodh tani? Si do të procedohet më tej?
Nisur nga eksperiencat e mëparshme, veprimet tani pritet të bëhen shumë shpejt. Sipas gazetares së Vizion Plus, Enkelejda Mema, menjëherë pas heqjes së imunitetit të Berishës, pritet që në SPAK të shkojë një korrier i Kuvendit për të dërguar të protokolluar vendimin e marrë në seancë planare.
Pasi SPAK njoftohet zyrtarisht dhe prokurorët njihet me relacionin, i drejtohen GJKKO-së dhe konkretisht Gjyqatares Irena Gjoka, për të kërkuar zëvendësimin e masës e sigurisë, nga detyrin parqitje dhe bllokim pasaporte në “arrest shtëpie” ose “arrest me burg”.
Ku do ta kalojë masën e sigurisë Berisha?
Nëse masa do të jetë “arrest ne burg” nuk ka dilema në këtë drejtim, pasi duhet që oficerët e Policisë Gjyqësore ta ekzekutojnë masën pas marrjes së lejes nga Kuvendi, ndërkohë që procedura është më e gjatë nëse jepet masë sigurie “arrest shtëpie”.
Por, rezultron se Berisha nuk ka shtëpi në pronësi të tij, e cila do të shërbente si adresë ku do të mbyllej në zbatim të masës së arrestit. Rrjedhimisht, pas nxjerrjes së vendimit nga GJKKO për masën e arrestit, Berisha duhet që të deklarojë një adresë që caktohet më pas nga gjykata si vendi ku do të qendrojë.
Sipas praktikës, pritet që e gjithë kjo procedurë të mbyllet brenda ditës së nesërme. /vizionplus.tv
