Gjatë verës lëkura është e rrezikuar nga temperaturat e nxehta dhe plazhi. Dhe në rastet kur kujdesi ndaj lëkurës është minimal, atëherë rezultatet do të jenë vërtet serioze.

 

Temperaturat e larta dhe mungesa e hidratimit mund të krijojnë akne. Më poshtë do të lexoni në lidhje me situatat kur shfaqen aknet.

 

Koha e gjatë në diell mund të të shkaktojë akne. Është thjeshtë një mit që dielli mund t’i kurojë aknet. Duket sikur dielli pastron fytyrën, sepse në fakt, ajo bëhet më e errët dhe problemet duken më pak në sipërfaqe, por në realitet dielli u bën më keq akneve.

 

Kapelja është një tjetër element që mund të irritojë lëkurën. Nëse je mësuar që gjatë kohës së verës të mbash gjithmonë kapelë, edhe ky është një rrezik i shtuar, sepse temperatura e nxehtë transmetohet në lëkurë edhe nëpërmjet kapeles.

 

Djersitja, në vetvete, nuk shkakton akne. Por, shpeshherë ajo përzihet me yndyrën natyrale të trupit dhe me bakteret dhe mund të kthehet në problem për irritimin e lëkurës. Me siguri, nuk do të rrish në diell për një kohë të gjatë dhe të djersish edhe kur e di që më pas do të kesh bllokim të poreve.

 

Disa kremra dielli mund të shkaktojnë akne. Po, disa kremra dielli mund të shkaktojnë akne, por kjo nuk është arsye për të shmangur SPF, këshillon revista class. Nëse disa kremra mund të shkaktojnë bllokim poresh, ka shumë të tjera që janë të sigurta për fytyrat me akne.

 

Klori mund të thajë lëkurën. Në këto raste këshillat vlejnë për ata që gjatë verës preferojnë pishinat. Ndonjëherë duhet të bësh kujdes nga kimikatet, sepse ato ta thajnë shumë lëkurën. Mos harro se kur lëkura thahet, trupi prodhon yndyrë ekstra, gjë që krijon probleme të tjera. Pasi ke dalë nga pishina, shpëlaje fytyrën më ujë të pastër.

 

Kujdes me ajrin e kondicionuar. Edhe nëse i shmang ambientet e hapura, sërish lëkura mund të ketë probleme të tjera. Ajri i ftohtë që vjen nga kondicioneri mund ta thajë lëkurën. Duhet ta shmangësh gjumin afër një kondicioneri ose freskueseje, në mënyrë që ajri i ftohtë mos të të fryjë në fytyrë.

Leave a Reply

Your email address will not be published. Required fields are marked *