Prishja e fidanishtes, studentët e pedagogët e UBT sërish në protestë

Studentët dhe pedagogët e Universitetit të Kamzës kanë bojkotuar në shenjë proteste sërish mësimin duke kërkuar anulimin e projektit për prishjen e fidanishtes dhe ndërtimin e shkollës në Kodër-Kamëz.

Studentët kanë paralajmëruar përshkallëzim të protestave nëse Bashkia nuk tërhieqet, ndonëse kjo e fundit e ka bërë të qartë qëndrimin e saj.

Në protestën e kësaj të marte, studentët tentuan që të çajnë rrethimin e fidanishtes e cila do prishet por nuk u lejuan nga forcat e policisë.