Prindërit e fëmijëve të shkollës 9 vjeçare “Lef Sallata” në Vlorë ndodhen sot para shkollës në shenjë proteste për të kundërshtuar mësimin e pasdites.
Prindërit që kanë dalë sot janë kryesisht të fëmijëve të një klase të tretë që është e vetmja klasë nga fillorja që është lënë për pasdite.Prindërit thonë se nuk përshtaten me këtë orar e nëse nuk ndryshon situata, ata do të heqin fëmijët nga kjo shkollë.
Sipas mësueses së klasës,do t’i dërgohet shkresë bashkisë së Vlorës dhe zyrës vendore të arsimit parauniversitar të bashkisë Vlorë,ndërsa do të jenë në pritje të një përgjigjeje zyrtare.
