Që prej orës 08:00 të mëngjesit ka nisur procesi i votimit në PD, për të zgjedhur kandidatin që do i përfaqësojë në vendoret e ardhshme.
Në disa prej bashkive ka dy ose më shumë kandidatë, ndërsa në shumë të tjera është vetëm një emër në garë.
Por sot, dy kandidatë në qarkun e Elbasanit kanë dhënë dorëheqjen nga gara.
Bëhet fjalë për Dritan Canin e Bashkisë së Belshit, i cili thotë se e ka marrë këtë vendim për t’i hapur rrugë bashkimit të PD. Në garë tashmë është Bedri Qypi.
Të njëjtin vendim ka marrë edhe Kodhel Çala i Gramshit. Ai thotë se dorëheqja është paqësore. Tashmë për këtë bashki në garë ka mbetur vetëm Hasim Çekrezi.