Policia e Pogradecit ka proceduar penalisht dy shtetas për prerje të paligjshme të pyjeve.
Shtetasit e proceduar janë me inicialet E.B., nga fshati Çezmë e Vogël dhe A.M., nga fshati Trebinjë me detyrë specialist i mbrojtjes së pyjeve në Pogradec.
Sipas policisë, ditën e premte, shtetasi E.B, është kapur në pyllin e fshatit Zëmçë, duke prerë dru pa lejen përkatëse.
Kurse shtetasi A.M, sipas policisë, dyshohet të ketë shpërdoruar detyrën pasi nuk ka marrë masat e duhura, edhe pse ka patur dijeni për rastin.
