Policia në Slloveni ka akuzuar një vajzë pasi në bashkëpunim me familjarët e saj ka prerë dorën me qëllim që të përfitonte siguracionin.
21-vjeçarja, identiteti të cilës nuk bëhet I ditur, si dhe një I afërm I saj, sipas BBC, janë arrestuar dhe rrezikojnë deri në tetë vite burg nëse akuzat konfirmohen.
Sipas policisë sllovene, vajza pretendohet se ka fituar rreth 400,000 euro kompesim nga kompania e sigurimeve si dhe një pagë mujore prej rreth 3000 eurosh.
Fillimisht u arrestuan katër anëtarë të familjes në fillim të këtij viti, dy prej të cilëve u liruan më pas.
Policia thotë se ngjarja është regjistruar në shtëpinë e familjes sllovenase në kryeqytetin e Lubjanës, ku vajza me ndihmën e familjarëve preu dorën me sharrë.
Menjëherë pas ngjarjes, të afërmit e çuan 21-vjeçaren në spital, duke thënë se ajo ishte palgosur teksa po sharronte degët e pemëve.
Zyrtarët thonë se familjarët e vajzës e lanë dorën e shkëputur në vend për të treguar që ngajrja kishte ndodhur në moment. Detaj që bëri që autoritetet menjëherë pasi gjetën dorën e prerë te nxitonin për ta qepur sërish atë.
Por pavarësisht se u mendua se ishte aksident, hetimet e autoriteteve nxorrën në pah krejt të kundërtën.
