Ukraina ka kryer një test të raketave të reja të prodhuara në vend, sipas presidentit ukrainas, Zelensky.
Me anë të një postimi në rrjetin social X, Presidenti deklaroi sa se kishte marrë raporte nga ushtria e tij për testin.
“Po përshpejtojmë prodhimin”, shtoi ai.
Më herët, Presidenti i Ukrainës, Volodymyr Zelensky, ka ritheksuar se rimarrja e pjesëve të territorit ukrainas mund të duhet të arrihet përmes mjeteve diplomatike.
Sipas Presidentit, ushtria ukrainase nuk ka forcën e duhur.
Në një intervistë për agjencinë japoneze të lajmeve Kyodo News, Zelensky tha se është e vështirë të rimerren disa nga zonat e vendit të pushtuara nga Rusia, përfshirë Gadishullin e Krimesë, të cilin Moska e aneksoi në vitin 2014, përmes mjeteve ushtarake.
“Ushtria jonë nuk ka forcën për ta bërë këtë, duhet të gjejmë zgjidhje diplomatike. Masa të tilla mund të merren parasysh vetëm kur të dimë se jemi mjaftueshëm të fortëpër të parandaluar Rusinë të nisë një agresion të ri kundër Ukrainës”, deklaroi Zelensky.
