Pas daljes nga spitali ku po kurohej pas infektimit me koronavirus, presidenti amerikan Donald Trump u është drejtuar qytetareve duke u thënë të mos kenë frikë nga virusi.

 


DONALD TRUMP


PRESIDENT I SHBA

“Sapo dola nga qendra spitalore Walter Reed, dhe është me të vërtetë diçka e veçantë, mjekët, infermierët, ndërhyrjen e shpejtë. Kam mësuar shumë rreth koronavirusit dhe një gjë është e sigurt: Mos e lejoni atë t’ju mposhtë, mos kini frikë nga koronavirusi. Ju do ta luftoni atë sepse ne kemi pajisjet më të mira mjekësore, mjekimet më të mira, ndaj dhe ju do ta mundni këtë virus. Unë ndihem më mirë se 20 vjet më parë ndaj mos e lejoni virusin t’ju mundë, sepse ne jemi vendi më i mirë në botë”

 

Trump la qendrën spitalor dhe do të vazhdojë të kurohet në Shtëpinë e Bardhë, aty ku është izoluar edhe Zonja e Parë Melani Trump. Një ekip i specializuar do të jetë në dispozicion të nevojave shëndetësore të presidentit 24 orë në ditë.

 

Presidenti Trump, 74 vjeç, u infektua me koronavirus  4 javë para zgjedhjeve të nëntorit, ku përballë ne gare ka demokratin Joe Biden. Aktivitetet e  fundit të fushatës presidenciale ndërkohë janë parashikuar të zhvillohen online.

Leave a Reply

Your email address will not be published. Required fields are marked *