Gjatë një takimi që pati me ambasadorin e Austrisë, Chrisitan Steiner, presidenti Ilir Meta përfitoi nga rasti për t’u bërë një thirrje palëve politike për përfundimin e reformës zgjedhore.
Kreu i shtetit theksoi se kjo reformë, por jo vetëm, mban peng hapjen e negociatave për Shqipërinë.
“Realizimi me konsensus i reformës zgjedhore, si dhe progresi i besueshëm në të 15 prioritetet e BE-së, do të ndihmonin edhe Austrinë të kishte argumente më shumë në favor të Shqipërisë në kuadrin e debatit në BE”, tha Meta.
Sipas tij, ka një rëndësi të veçantë angazhimi konstruktiv i çdo aktori institucional në detyrimet që ka për zbatimin e 15 prioriteteve të BE, përfshi këtu edhe reformën zgjedhore.
