Presidenti Ilir Meta i ka bërë apel shtetit që të tregojë më shumë vëmëndje dhe përkujdesje për shtresat në nevojë.
Në një postim në “Facebook”, Meta duke u ndalur tek vizita e mencës “Shërbesa e dashurisë” e Mitropolisë së Korçës, krahas apelit ndaj shtetit, shprehu mirënjohje edhe ndaj të gjitha bashkësive fetare që u gjenden afër shtresave në nevojë.
“Nga menca “Shërbesa e dashurisë” e Mitropolisë së Korçës ndava sot vaktin me të varfërit, për të qenë pranë tyre në shenjë solidariteti, mbështetje dhe shprese. Mirënjohje për Mitropolitin e Korçës, Imzot Joanin, i cili gjendet prej 20-vitesh pranë kësaj shtrese në nevojë të shoqërisë. Pavarësisht punës së jashtëzakonshme të bashkësive fetare, shteti duhet të tregojë ndaj tyre më shumë vëmendje, përkujdesje dhe përgjegjësi.”
