Presidenti Ilir Meta u prit sot në Gjilan nga homologu Hashim Thaçi. Me rastin e 105 vjetorit të pavarësisë së Shqipërisë, dy presidentët morën pjesë edhe në inaugurimin e shtatores së atdhetarit Idriz Seferi.
“Ne jemi dy shtete, por jemi një komb i bashkuar. Në 105 vjetorin e ngritjes së flamurit ne jemi të vendosur që historinë ta nderojmë dhe ta mbajmë gjallë.”
Ndërsa presidenti i Kosovës, Thaçi, nënvizoi se ndjehej i nderuar që gjendej në qytetin e Kadri Zekës, Rexhep Malës, Nuhi Berishës e shumë heronjve të tjerë që i dhanë shumë Kosovës dhe shqiptarisë.
Thaçi në Gjilan ka dhënë edhe urdhrin Hero i Kosovës për Idriz Seferin.
