Presidenti Ilir Meta ka vizituar këtë të martë muzeun etnografik shqiptar në Tuz të Malit të Zi.
Në një postim në “Facebook”, Meta ka shprehur falenderime dhe mirënjohje për shqiptarët e Malit të Zi që vijojnë të ruajnë vlerat kulturore.
“Emocione të paharruara nga vizita në muzeun etnografik shqiptar në Tuz të Malit të Zi. Mirënjohje e pakufijshme për patriotin e shkëlqyer Shtjefën Ivezaj, familjen e tij dhe bashkëpunëtorët e shumtë, të cilët kanë bërë një punë të jashtëzakonshme për të mbledhur e ruajtur këto vlera të mëdha kulturore e kombëtare që i bëjnë krenarë të gjithë shqiptarët kudo ku jetojnë.”