Presidenti francez Emanuel Macron ka mbajtur fjalimin e tij në ceremoninë përkujtmore të 100 vjetorit të armëpushimit që shënoi fundin e Luftës së Parë Botërore në 11 nëntor 1918.

 

Macron fjalën e tij para 70 lidërve botërorë që merrnin pjesë në këtë ceremoni, tyë zhvilluar në Sheshin Elize, e nisi me fjalinë “Nacionalizmi është tradhti e patriotizmit”.

 

Ndër të tjera lideri francez është shprehur se gjurmët e luftës janë ende të pranishme, ndaj ai u bëri thirrje të pranishmëve që të mos luajnë me frikën ndaj njëri tjetrit, por të luftojnë së bashku për vlerat universale.

 “Nacionalizmi është tradhti e patriotizmit. Duke vënë interesat tona të parat, kush kujdeset për të tjerët? Ne fshijmë atë që një popull ka më të dashur, atë që i jep jetë, atë qe e bën të madh: vlerat morale të tij. Gjurmët e asaj lufte nuk janë zbehur nga toka franceze ose nga kujtimet tona në mbarë botën”.

Gjithashtu presidenti francez apeloi për ndërtimin e miqësisë mes popujve.

 

“Historia kërcënon ndaj le të bëjmë betimin e kombeve për të vendosur paqen para së gjithash. Kjo mbledhje nuk mund të jetë vetëm një ditë. Kjo vëllazëri na sjell luftën e vetme që vlen, luftën e paqes, të një bote më të mirë. Rroftë paqja, rroftë miqësia mes njerëzve. Rroftë Franca”.

 

Ndërkohë pas fjalimit udhëheqësit botërorër lanë “Harkun e Triumfit”, për të marrë pjesë në një drekë të shtruar nga presidenti Macron.

 

Leave a Reply

Your email address will not be published. Required fields are marked *