Presidenti i Republikës Ilir Meta ka dekoruar senatorin italian Pier Ferdinando Kazini, me urdhrin “Nënë Tereza”.
Për kreun e shtetit shqiptar, senatori Kazini ka dhënë ndihmesë të jashtëzakonshme për promovimin e Shqipërisë në arenën ndërkombëtare. Presidenti Meta tha se politikani italian ka qenë një avokat i vazhdueshëm për anëtarësimin e Shqipërisë në NATO dhe për liberalizimin e vizave.
Nga ana e tij senatori Kazini vuri theksin tek procesi integrimit europian të Shqipërisë.
Sipas tij, është bërë shumë, por mbetet ende shumë për të bërë. “ne duam një Shqipëri evropiane, 100% pjesë e Evropës, sepse jemi të bindur se vendi juaj është faktor thelbësor i stabilitetit të Ballkanit dhe të Evropës”, tha Kazini.
