Nëpërmjet performancës në kampionatin botëror, Era Istrefi bëri që e gjithë bota të kthejë sytë nga ajo dhe Kosova Së bashku me Will Smith dhe Nicky Jam kënduan himnin e botërorit mbrëmjen e së dielës në Rusi “Live it up”, që është kthyer në kryefjalën e ditëve të nxehta verore.
Arritjet e saj për këtë vit kanë qenë të shumta ndaj dhe ka ardhur koha që këngëtarja e hitit “Bon bon” të vlerësohet edhe nga vendi i lindjes.
Për sukseset e jashtëzakonshëm të saj, Presidenti i Kosovës, Hashim Thaçi do ta dekorojë sot me “Medaljen Presidenciale Jubilare të Dhjetëvjetorit të Pavarësisë”.
Kujtojmë se edhe Rita Ora e mori këtë medalje më 17 shkurt, pas koncertit të Pavarësisë së Kosovës.
