Dita e parë e vitit 2026 e gjeti Presidentin në një bashkëbisedim me Forcat e Armatosura. Kreu i shtetit takoi efektivët që shërbejnë jashtë vendit, ndërsa vlerësoi kontributin dhe punën e tyre për ruajtjen e sigurisë në botë.
“Atmosfera festive dhe e gëzuar kërkon të jemi së bashku. Juve ju ka gjetur larg familjeve tuaja, por me një mision të rëndësishëm: të jeni në krye të detyrës dhe në shërbim të atdheut, në shërbim të paqes, të sigurisë dhe lirisë në mbarë globin. Ju mbani lart flamurin e Shqipërisë dhe ne ndihemi krenarë për shërbimin tuaj! Angazhimi juaj, nga Kosova, Bosnjë dhe Hercegovinë, Bullgari, Letoni, Detin Egje, Irak, Sinai, Sudanin e Jugut dhe në strukturat për mbështetjen e Ukrainës, janë dëshmi e qartë e angazhimit dhe përkushtimit të Shqipërisë ndaj paqes dhe sigurisë jo vetëm në rajon, por edhe më gjerë.”
Shqipëria do të shtojë kontributin në misione dhe operacione jashtë vendit. Presidenti njoftoi marrjen e komandës së batalionit shumëkombësh të Rezervës Operacionale të KFOR-it.
/vizionplus.tv
