Premier League, java e barazimeve

Java e 21 e Premier League mund te quhet pa frike ajo e barazimeve, duke pare që në të paktën 4 takime ku luanin skuadrat pretendente nuk ka pasur fitues. Kryesuesit e Arsenal u ndalen në një barazim spekltakolar 3 me 3 në Angfild Roud kundër Liverpul. Një ndeshje e çmendur, sidomos në 25 minutat e para ku u shënuan 4 gola. Firmino kaloi dy herë në avantazh Liverpulin, por topçinjtë në të dyja rastet barazuan me anë të Ramsei dhe Zhiru. Francezi madje në minutën e 55 kaloi londinezet në avantazh, por Zho Allen në sekondat e fundit të sfidës i hoqi fitoren skuadrës së Venger, e cila tashmë do të duhet të ndaje vendin e parë në kuotën e 43 pikëve me Leicester që bëri surprizën e javës së 21, duke mundur në White Hart Lane, skuadrën e vendit te 4 Totenham. Ekipit të Ranierit i mjaftoi një gol i Robert Huth në minutën e 83 për të fituar takimin. Gaboi sakaq Manchester City qe nuk shkoi më shumë se barazimi 0 me 0 në shtëpi me Everton, duke humbur shansin për t’iu afruar Arsenalit. Tashmë ekipi i Pelegrinit mbetet në 40 pikë, 3 më pak se skuadrat kryesuese. Chelsea gjithashtu ngeci në shtëpi në barazim 2 me 2 kudër West Bromuic Albion. Vendasit kaluan dy herë në avantazh me Azpilikueten dhe autogolin e Mk Oilit, por miqtë u përgjigjen me Gardner dhe Mk.Lin. Pas përfundimit te kësaj jave kryeson Arsenal dhe Lecicester ne kuotën e 43 pikëve, te ndjekur nga Manchester City me tre pike me pak.