Tre punonjës të Bashkisë Shkodër janë arrestuar nga policia, pasi janë kapur duke transportuar ushqime në këmbim të votës.
Ndalimi i tyre u bë në unazën e qytetit, teksa në një furgon kishin 50 pako me ushqime që po i shpërndanin tek qytetarët.
Në pranga kanë rënë Ergys Ivziku, 31 vjeç, drejtor i Drejtorisë Ekonomike-Arsimore, Petrit Dyli, 49 vjeç, me detyrë Teknik i Shërbimeve në Drejtorinë Ekonomike-Arsimore.
Po ashtu është arrestuar edhe Mhill Volaj, 63 vjeç, me detyrë specialist i Financës në Drejtorisë Ekonomike-Arsimore.
Porosia e pakove ushqimore ishte bërë nga drejtori i Ujësjellësit, i cili është shpallur në kërkim nga policia.
Ata akuzohen për veprën penale “korrupsion aktiv në zgjedhje”.