Dy inspektorë të tatimeve në Bashkinë Shkodër janë arrestuar dhe një tjetër është shpallur në kërkim pasi akuzohen se janë përfshirë në një skemë korrupsioni me bizneset në bregdetin e Velipojës.
Në pranga përfunduan inspektoret Bledar Plori dhe Isa Mandi ndërsa shtetasi Denis Hoxha është shpallur në kërkim.
Po ashtu është proceduar në gjëndje të lirë pronari i një hoteli në Velipojë për “Fshehja e të ardhurave”.
Ndalimet dhe procedimet për korruspion pasiv janë bërë në kuadër të operacionit “Akomoduesi” të realizuar në plazhin e Velipojës.
Pas kontrolleve të bëra në këtë plazh ndaj disa subjekteve tregtare janë evidentuar shkelje të bëra nga ana e punonjësve të bashkisë Shkodër dhe bizneseve në lidhje me deklarimin të ardhurave.