Vrasjet e ditëve të fundit kanë të implikuar edhe vetë punonjës të shtetit. Alarmi është dhënë nga drejtor i krimit te organizuar ne policinë e shtetit, Ardian Çipa dhe kryeprokurori i krimeve të rëndë Blerim Tominaj. Çipa tha se vrasja e datës 9 janar në Fier, ku mbeti i vrarë Denis Kasaj, është kryer pas informacionit të dhënë nga punonjësi i SHISH-it në Fier, Florian Bushi. Vrasjet që kanë ndodhur në muajin dhjetor dhe në fillim të këtij viti janë ngjarje të rënda që po hetohen intensivisht dhe po analizohen me detaje, tha Cipa për të bërë të mundur zbardhjen e tyre. Ai ka konfirmuar se vrasjet e Ervin Kodrës e Endri Caushaj në dhjetor kanë lidhje me ekzekutimin e kryer para pak ditësh të Gazmend Çollakut.
