Ne nje atmosfere elektrizuese ne Do Dragao, Porto nuk shkoi me shume se barazimi 0-0 ne klasiken e Portugalisë kundër Benfikes, duke ruajtur vendin e pare ne renditjen e përgjithshme, edhe pse tashme me pike te barabarta me Sportingun.
Edhe pse nuk pati gola, sfida e transmetuar ne platformën Tring ishte spektakolare, me mjaft emocione ne nje përplasje gjigandesh qe i kane kaluar kufijtë e gadishullit Iberik. Takimi filloi qe ne fillim me iniciative ne shqiponjave te Benfikes, te cilët vunë ne prove portierin Hoze Sa. Por me kalimin e minutave edhe pse me agresivitetin e miqve, dragonjtë e Portos filluan te fitonin terren duke shfrytëzuar kundërsulmet. Danilo tentoi i pari per t’ua lëne radhën kapitenit Herrera dhe Alex Telles.
Ne përplasje burrërore dhe me mjaft rritem fundi i pjesës se pare u mbyll me tensionin e vendasve, te cilët kërkuan penallti per nje top te prekur nga kapiteni i Benfikes Luizao, por qe u vlerësua gjithçka e rregullt nga arbitri kryesor. Me fillimin e pjesës se dyte te zotet e shtëpisë ne sulm ne kërkim te zhbllokimit te shifrave dhe e gjeten ate ne minutën e 55 me Herrera, por anësori e vlerësoi ne pozicion jashtë loje Abubakar, edhe pse sulmuesin e mbante ne loje nje prej futbollisteve kundërshtar.
Ne minutën e 82 Benfika ngeli me nje lojtar me pak kur i sapofuturi ne loje serbi Zhivkovic u ndëshkua me kartonin e dyte te verdhe. Minutat e fundit me te vërtete emocionuese me nga nje rast te pastër per secilën skuadër. Fillimisht kroati Krovinovic per Benfiken pas nje përgjumje ne mbrojtje u hipnotizua nga portieri Hoze Sa. Ndërsa ne minutën e 4 te shtesës pas nje krosimi te Otavio, afrikani Marega nuk arriti me koke te çonte topin drejt rrjetës.
Barazimin e dy gjigandeve e shfrytëzoi Sportingun i Lisbonës qe fitoi ne Hoze Alvelade 1-0 me Belenensen. Golin e vetëm te takimit e shënoi holandezi Bas Dost qe ne minutën e 12 nga pika e bardhe e penaltisë. Pas javës se 13-te Porto dhe Sporting kryesojnë me 33 pike te ndjekur nga Benfika me 3 pike me pak.